Kupa e Shqiperise

TAFILI: GOLI I SHKËLQYER? E RËNDËSISHME ISHTE FITORJA E EKIPIT

Një gjuajtje e shkëlqyer nga jashtë zone, ka bërë që topi të përfundojë në rrjetën e portës së Teutës dhe jo vetëm kaq. Kjo kryevepër i dha fitoren Vllaznisë dhe po ashtu, hodhi edhe një hap të rëndësishëm për kualifikimin në turin tjetër të Kupës. Alsid Tafili është i kënaqur natyrisht për këtë gol por nuk ka dëshirë të ndalet në aspektin personal. Në një prononcim për mediat, ai shprehet se ishte një fitore e rëndësishme për skuadrën. "Një ndeshje e rëndësishme, një fitore e rëndësishme për skuadrën tonë,për synimet dhe objektivat që ka klubi si për mesin e tabelës në kampionat, por edhe në kupë këtë vit sepse mund të kapim Kupat e Europës nëpërmjet saj. Për këtë duhet të japim maksimumin edhe në ndeshjen e kthimit që në fillim të kalojmë këtë tur dhe pastaj të mendojmë edhe për ndeshjet e tjera"- thotë Tafili.

TAFILI: GOLI I SHKËLQYER? E RËNDËSISHME ISHTE FITORJA E EKIPIT

Bicaj: Ndaj Teutes fitore dhe kualifikim

Të mërkurën në orën 14.00 Vllaznia luan në “Loro Boriçi” ndeshjen e parë çerekfinale të Kupës së Shqipërisë duke pasur përballë skuadrën durrsake Teuta. Në pritje të këtij ballafaqimi tekniku Cungu pati në dispozicion tre seanca stervitore, ku e fundit ishte ajo e zhvilluar mesditen e së martes në fushën e stadiumit “Reshit Rusi”. Një ditë përpara kësaj sfide e cila ka rëndësinë e vetë në lidhje me objektivat që skuadra kuqeblu ka edhe në këtë kompeticion, qëndërmbrojtësi shtatlartë i Vllaznizsë, Ditmar Bicaj u shpreh optimist për një rezultat pozitiv, i cili do t’i hapte kuqebluve rrugën për kualifikimin në gjysëmfinale dhe pse jo më pas për të pretenduar edhe më tej në fitimin e këtij trofeu.

Bicaj: Ndaj Teutes fitore dhe kualifikim
Sinani: Vllaznia të synojë me çdo kusht finalen e Kupës

Sinani: Vllaznia të synojë me çdo kusht finalen e Kupës

Ecuria e Vllaznisë duket e pëlqyeshme në këtë sezon dhe kuptohet që duhet të vazhdojë në të njëjtën mënyrë. Një nga njerëzit që po i qëndron afër ekipit është golashënuesi më i mirë në historinë e këtij klubi, Vioresin Sinani. “Ekipi është në një fazë të mirë. Ai ka një gjendje të mirë dhe lojtarët po fitojnë besim gjithnjë e më shumë, se mund të bëjnë edhe diçka më tepër sesa deri tani. Dua të evidentoj 3-4 lojtarë, që kam dëshirë t’i përmend për atë që po japin në fushë. Duke filluar nga kapiteni Shtubina, Bardulla e Cicmil, të cilët për mua po japin maksimumin në çdo ndeshje. Kjo nuk do të thotë se të tjerët nuk kanë dhënë më të mirën, por këto që përmenda më sipër kanë dhënë diçka më shumë. Kanë shfaqur ego dhe grintë maksimale në fushë. Ata janë boshti i ekipit dhe, nëse janë mirë, i japin garanci ekipit. Vllaznia duhet të pretendojë të bëjë më të mirën në kampionat, ndërkohë që duhet të synojë medoemos shkuarjen deri në finale të kupës, sepse janë të gjitha shanset,” – ka thënë ish-numri 9 i kuqebluve.

Vllaznia mund thelle 6-0 Kamzen per Kupe

Hapi I parë I hedhur para tre javësh në Kamëz, është pasuar me një të dytë pasditen e së mërkurës dhe Vllaznia është kualifikuar për në turin çerekfinal të Kupës së Shqipërisë. Nëse në ndeshjen e parë kuqeblutë kishin fituar 2-0, në ndeshjet e kthimit ata kanë shënuar plot 6 gola në portën kundërshtare, pa pësuar asnjë. Tre prej tyre janë shënuar në pjesën e parë dhe kanë patur për autorë Dycën, Pepën dhe Krymin. Pikërisht këto gola, kanë bërë që skuadra mike të dorëzohet totalisht. Kjo është vërejtur në pjesën e dytë të ndeshjes, kur futbollistët e Vllaznisë jo vetëm kanë shënuar edhe tre gola të tjerë por kanë patur mundësi të shënojnë edhe më shumë.

Vllaznia mund thelle 6-0 Kamzen per Kupe